Në orët e para të mëngjesit të sotëm, qytetarë e familjarë të personave të vrarë e të zhdukur gjatë luftës së fundit në Kosovë, sot kanë protestuar në Gjakovë, për të kundërshtuar ardhjen e pelegrinëve serbë në kishën ortodokse në qytetin e tyre.
Por, këshilltari i Behgjet Pacollit, ministrit në detyrë të Punëve të Jashtme , Jetlir Zyberaj, përmes një shkrimi të publikuar në faqen Facebook ka thënë se sot nuk do të ketë kurrfarë pelegrinazhi në Gjakovë, pasi që kjo nuk është kërkuar nga institucionet e Kosovës.
“Sot, nuk do të ketë kurrfarë pelegrinazhi në Gjakovë, sepse një gjë e tillë s’është kërkuar nga institucionet e Kosovës. Nuk ka asnjë kërkesë zyrtare për këtë dhe rrjedhimisht nuk ka asgjë të planifikuar”, shkruan ai.
Zyberaj ka thënë se bashkëndjejmë shqetësimet e nënave dhe qytetarëve të Gjakovës, por garantojmë të gjithë që asnjë kriminel s’do të jetë asnjëherë pjesë e grupit të pelegrinëvë serbë, sepse vendi i tyre do të jetë në burg.
“Të gjithë kriminelët serbë që kanë kryer krimet më ç’njerëzore që nga Lufta e Dytë Botërore duhet të dalin para drejtësisë”, përfundon ai.
VAZHDO TË LEXOSH MË TEPËR PËR TEMËN
Vijnë pelegrinët serbë, Gjakova në protestë
Gjakovarët protestojnë kundër vizitës së serbëve
Gjuriç: Serbët reaguan qetë, Prishtina po provokon
