MENU
klinika

"Dokumentin e nënshkruar e ka tek unë"

Thaçi: Kurti të vijë të marrë mandatin

18.01.2020 - 12:25

Hashim Thaçi ka thënë se e ka nënshkruar vendimin për t’ia dhënë mandatin Albin Kurtit. Ka thënë se posa të jetë gati, kreu i VV mund të shkojë në Presidencë për ta marrë dekretin. Sipas tij s’mund të vazhdojë gjatë bllokada e institucioneve.

“Kosova edhe gjatë nuk do të jetë e bllokuar, do t’i shikojmë të gjitha mundësitë dhe variacionet politike që kanë partitë për respektimin e vullnetit qytetarë. Të gjithë qytetarët që kanë votuar duhet t’i respektojmë dhe unë vazhdoj të besoj fuqishëm që do të vazhdojmë t’i përmbushim detyrat që kemi.

kolana e librave

Për hir të korrektësisë, ju i dini ftesat që ia kam dërguar Kurtit për të marrë të drejtën e mandatarit për themelimin e qeverisë. Takimi në zyrën time ka qenë një takim i vullnetit të mirë por në të njëjtën kohë dua të shpresoj dhe e ftoj përsëri që të mos vazhdoj të mbetet vendimi që e kam nënshkruar që Albin Kurti është nominuar për kryeministër.

Nënshkrimi im për mandatar është në tavolinën time. Nëse Kurti nuk e pranon dhe nuk është i gatshëm ta marrë vendimin për të qeverisur, atëherë mund ta refuzojë”– ka thënë ai.

Thaçi ka thënë se vullneti për të lëvizur më shpejtë është më i madh se për të mbajtur peng votën e popullit. Ai ka thënë se do t’i shtjerre të gjitha mundësitë për krijimin e institucioneve.

VAZHDO TË LEXOSH MË TEPËR PËR TEMËN