Siç është bërë e ditur, Zlatan Ibrahimoviç zyrtarisht është futbollist i Milanit dhe sot pritet prezantimi në ambientet e klubit dhe madje edhe stërvitja e parë.
Sulmuesi suedez, që deri më tani ka luajtur me skuadra të shumta, në Milano e ka një rikthim, pasi me kuqezinjtë ka fituar edhe titullin kampion para se të largohej për në drejtim të PSG-së.
Shtatlarti ka mbërritur paraditen e sotme në Milano me një avion privat. Në rrugët e Milanos dhe në selinë e klubit kuqezi, të shumtë janë tifozët që kanë dalë për ta pritur.
Sulmuesi i njohur shihet si shpëtim nga tifozëria e Milanit për gjendjen që skuadra po kalon, teksa renditet në vendet e mesit të tabelës dhe shumë pikë larg kreut.
Ibrahimoviç mund të debutojë me Milanin në fillim të shkurtit, teksa me shumë gjasa do të mungojë në ndeshjet e para të këtij viti. Ashtu siç është bërë e ditur, sulmuesi do të mbajë fanellën me numrin 11.
VAZHDO TË LEXOSH MË TEPËR PËR TEMËN
Rikthehet “luani”, detajet e Ibrës te Milani
Lajmërimi zyrtar: Ibrahimovic te Milan!
