Sot, edhe më shumë sesa në të kaluarën, vëmendja jonë përqendrohet në cilësinë e ushqimit që sjellim në tryezë. Sidoqoftë, ne priremi të nënvlerësojmë ose injorojmë faktin e rëndësishëm që nganjëherë hamë ushqime të caktuara në mënyrë të gabuar.
Luleshtrydhe, kivi dhe fasule janë të gjitha ushqime të shëndetshme, por ne shpesh nuk i hamë si duhet dhe përfundojmë duke humbur vlerat ushqimore të tyre.
Ne kemi renditur disa ushqime që me siguri i keni konsumuar në mënyrë të gabuar gjatë gjithë jetës suaj.
- Farat e lirit
Farat e lirit përmbajnë fibra, omega-3 dhe fitonutrientë, të gjitha këto janë substanca të vlefshme për trupin. Sidoqoftë, trupat tanë nuk janë në gjendje t’i tretin kur konsumohen tërësisht. Kjo është arsyeja pse ata duhet të shtypen para se të hahen.
- Kivi
Lëkura e kivit përmban një përqendrim të lartë të lëndëve ushqyese, veçanërisht fibra dhe vitaminë E. Konsumimi i një kivi të tërë rrit përmbajtjen e fibrave dhe vitaminës E në trup. Meqenëse shumë njerëz nuk konsumojnë sa duhet nga këto lëndë ushqyese në dietat e tyre, të hani kivi është një mënyrë e mirë për të rritur fibrat dhe vitaminat në trupin tuaj.
- Domate
Domatet janë ndër ushqimet që duhet të konsumohen të gatuara në mënyrë që njeriu të përfitojë nga lëndë ushqyese si likopeni i cili mbron nga tumoret dhe sëmundjet e zemrës.
- Çaji i zi
Çaji i zi është një nga pijet më të konsumuara por ki kujdes që mos ta përzieni me qumështin. Produktet e qumështit nuk ndikojnë në antioksidantët që ai përmban, por ato bllokojnë përfitimet kardiovaskulare të çajit.
- Luleshtrydhe
Luleshtrydhet janë të pasura me fibra, antioksidantë dhe vitaminë C, të ngjashme me shumicën e frutave të kuq. Për shkak se trupi ka nevojë për këto lëndë ushqyese, këto fruta nuk duhet të ruhen kurrë të prera. Kur luleshtrydhet janë prerë, ato bëhen të ndjeshme ndaj dritës dhe oksigjenit dhe humbasin vlerat ushqyese shumë lehtë.
- Brokoli
Brokoli është një nga ato ushqime që duhet të hahen gjithnjë të pagatuara. Në fakt, duke zier ose skuqur ata humbasin vitaminën C, klorofil, antioksidantë dhe komponime anti-kancerogjene, të cilat janë të gjitha thelbësore për trupin.
- Fasule
Fasulet e thata përmbajnë komponime antioksiduese të quajtura fitate, këto lidhen me vitamina dhe minerale që nuk mund të përthithen nga trupi. Do të ishte mirë ti lini në ujë gjatë natës, në mënyrë që të çlirohen nga substanca të tepërta.
- Hudhra
Hudhra duhet të copëtohet para se të përdoret dhe më pas lihet të pushojë për të paktën 10 minuta. Në këtë mënyrë, përfitimet e saj do të jenë të pabesueshme.
VAZHDO TË LEXOSH MË TEPËR PËR TEMËN
10 ushqimet ideale për mëngjes!
1.4%, shkak rritja me ritme të ulta e çmimeve të ushqimeve
