Gara automobilistike e “Daytona 500” është më të ndjekura në SHBA, madje numri i spektatorëve i kalon ata të Formula 1. Kjo garë është edhe e parapëlqyera e presidentit Donald Trump.
Presidenti i SHBA mundohet ta ndjekë sa më shpesh të jetë e mundur këtë event dhe në edicionin aktual ka zgjedhur të provojë edhe cilësinë e pistës, duke bërë një xhiro me makinën e tij presidenciale.
Pas xhiros hapëse të Trump, gara nisi vrullshëm dhe gjatë saj është regjistruar edhe një aksident i frikshëm. Makina e Rayan Neëman, i cili qëndronte në vendin e parë, humbi kontrollin dhe më pas u përplas me barrierat rrethuese, duke fluturuar në ajër me saltro dhe trembur tifozët e pranishëm në tribuna, ku ishte edhe kreu i shtetit.
Makina ka marrë menjëherë flakë dhe është dashur ndërhyrja e menjëhershme e forcave zjarrfikëse për të shuar zjarrin, që rrezikonte edhe jetën e pilotit.
Neëman është nxjerrë menjëherë nga makina dhe është jashtë rrezikut për jetën, pavarësisht plagëve të rënda që ka marrë nga përplasja. Më pas gara ka vijuar normalisht.