20.02.2020 - 15:30
Receta për: 4 persona
Përgatitet kollaj nga të gjitha amvisat. Shumë herë më e shëndetshme sesa ajo buka e përditshme që blini në dyqan!
INGREDIENTËT
- 3 gota miell misri
- 1 gotë miell gruri
- 1 filxhan çaji me djathë dhie të thërrmuar
- 1 tufë spinaq
- 2 gota kos
- 1 gotë qumësht
- 1 zarf pluhur pjekjeje
- pak kripë
UDHËZIMET
- Spinaqin e lani mirë dhe copëtojeni sa më imët me dorë.
- E kaloni në një tas duke i shtuar sipër miellin e misrit dhe të grurit,pluhurin pjekës, kosin, qumështin, djathin dhe pak kripë me sy.
- I përzieni me një lugë druri të gjitha bashkë.
- Masën e kaloni në një tavë me madhësi mesatare që duhet ta keni lyer paraprakisht me pak vaj.
- E piqni për 20 -25 minuta në temperaturë 180 gradë.
