MENU
klinika

Dasma e vitit!

Ceremonia e jetës/ Shifra që J.Lo ka ndërmend të shpenzojë!

18.02.2020 - 12:24

2020-ta duket se do të jetë viti i Jennifer Lopez dhe Alex Rodriguez. Në mars të vitit që lamë pas, Rodriguez i propozoi këngëtares në Bahamas, duke iu ulur në gjunjë në breg të detit me një unazë diamanti në dorë.

J.Lo sigurisht që tha “Po” dhe thuajse një vit pas kësaj dite speciale, çifti ka ndërmend të martohet. Lopez dhe Rodriguez kanë ndërmend të bëjnë një dasmë gjigante e cila ka për t’u mbajtur mend gjatë.

Burime për të huajën “Life and style” kanë treguar se këngëtarja dhe partneri kanë planifikuar të martohen këtë verë. Megjithatë, data e saktë e ceremonisë së tyre ende nuk është bërë e ditur.

Sipas burimeve, çifti ka ndërmend të shpenzojë 3 milionë dollarë për ceremoninë e jetës së tyre, për të cilën u bëmë tepër kuriozë. J.Lo sigurohet t’i tregojë kujtdo se ka gjetur dashurinë e jetës së saj, ndërsa Alex nuk resht së bëri të lumtur këngëtaren me gjestet e tij të dashurisë.