Ndeshja e së shtunës në Shkodër ndaj Vllaznisë duket rezultoi të ishte e fundit për trajnerin Nikolin Çoçlli në krye të Luftëtarit. Tekniku dhe klubi gjirokastrit kanë ndarë rrugët pas humbjes 4-0, teksa bluzinjtë në këtë vit nuk kanë fituar asnjë ndeshje.
Trajneri dhe klubi nuk kishin tjetër zgjidhje, ndërsa tashmë Luftëtari ka kaluar në duart e Neritan Novit, që ishte në rolin e zëvendëstrajnerit në Gjirokastër dhe është përzgjedhur duke qenë se e njeh mirë situatën në ekip, teksa ka punuar edhe në akademinë e gjirokastritëve.
Tashmë në vazhdim klubi ka si objektiv paraqitjet dinjitoze për të shmangur disfatat me goleada, si dhe sigurimin e sa më shumë pikëve deri në fund të kampionatit. Më shumë do t’u kushtohet vëmendje elementëve të rinj, pasi rënia nga kategoria duket e pashmanshgme.
VAZHDO TË LEXOSH MË TEPËR PËR TEMËN
Prezantimi, Luftëtari befason me trajnerin e ri
