SHÇBA pas një hetimi disa mujor ka pezulluar 7 policë të cilët kishin shpërdoruar detyrë. Hetimi rezulton për vitin 2019 dhe është evcidentuar që 7 policët e pezulluar kishin favorizuar kultivimin e kanabisit, ndërtimeve pa leje, kishin manipuluar apo fshehur ngjarje kriminale, kishin penguar zbulimin e fakteve dhe të vërtetës apo nuk kishin raportuar fare këto ngjarje.
Po ashtu gjatë këtij hetimi janë sekuestruar edhe disa sasi kanabisi dhe u asgjësuan disa bimë narkotike.
Saktësisht janë pezulluar Xh.B., punonjës i Patrullës së Përgjithshme, S.D., Ndihmës/specialist për Rendin, M.c., Ndihmës/specialist për Rendin, N.S., Ndihmës/specialist për Rendin, K.D., Ndihmës/specialist për Rendin, D.S., Ndihmës/specialist për Rendin, F.B., punonjës i Patrullës së Përgjithshme. Këtyre policëve të pezulluar i ndalohet edhe dalja jashtë shtetit deri në një vendim të dytë.
NJOFTIMI ZYRTAR
Durrës – SHÇBA finalizoi me sukses operacionin e koduar “Abuzuesit e detyrës 2”, pezullohen nga detyra 7 punonjës policie të dyshuar për shpërdorim detyre
Drejtoria Rajonale e Shërbimit për cështjet e Brendshme dhe Ankesat( SHÇBA) Durrës, në bashkëpunim dhe nën drejtimin e Prokurorisë pranë Gjykatës së Shkallës së Parë Krujë, finalizoi me sukses operacionin e koduar “Abuzuesit e detyrës 2”.
Pas një hetimi disa mujor, duke aplikuar metoda speciale, nën drejtimin e Prokurorisë u bë i mundur dokumentimi me prova ligjore i veprimtarisë së kundraligjshme të subjekteve të këtij procedimi. Ata dyshohet se duke keqpërdorur atributet që u jepte detyra dhe funksioni, në bashkëpunim me njëri-tjetrin dhe me shtetas të tjerë, kanë konsumuar veprën penale të “Shpërdorimit të detyrës”.
Punonjësit e Policisë kryenin funksione të ndihmës/specialistit për Rendin, në Komisariatin e Policisë Krujë, në DVP Durrës. Shpërdorimi i detyrës dhe veprimtaria e kundraligjshme e këtyre subjekteve është shtrirë përgjatë vitit 2019 në vende dhe kohë të ndryshme, ku veprimet dhe mosveprimet e tyre konsistojnë në favorizime të kultivimit të bimëve narkotike, ndërtimeve pa leje, fshehje dhe manipulim të ngjarjeve, pengimin e zbulimit të së vërtetës dhe fakteve kriminale, mos-raportime të ngjarjeve kriminale, mos-evidentim të kallzimeve të shtetasve sipas detyrimeve ligjore, etj. Gjatë hetimeve u sekuestrua një sasi kanabisi dhe u asgjësuan bimë narkotike.
Mbështetur në provat dhe faktet e grumbulluara, Gjykata e Krujës caktoi masat e sigurimit personal “Pezullim nga detyra” dhe “Ndalim i daljes jashtë shtetit”, për:
– Xh.B., punonjës i Patrullës së Përgjithshme;
– S.D., Ndihmës/specialist për Rendin;
– M.c., Ndihmës/specialist për Rendin;
– N.S., Ndihmës/specialist për Rendin;
– K.D., Ndihmës/specialist për Rendin;
– D.S., Ndihmës/specialist për Rendin;
– F.B., punonjës i Patrullës së Përgjithshme.
Hetimet e këtij procedimi penal vazhdojnë deri në dokumentimin e plotë të veprimtarisë së kundraligjshme të këtyre subjekteve dhe të subjekteve të tjerë, të përfshirë në këtë veprimtari.
SHÇBA nxit qytetarët të denoncojnë cdo rast abuzimi me detyrën të punonjësve të policisë, duke telefonuar në numrin falas 0800 90 90, duke garantuar reagim të shpejtë dhe të ashpër ligjor.
VAZHDO TË LEXOSH MË TEPËR PËR TEMËN
Ngjarjet kriminale në Shkodër, FNSH dhe Renea ‘blindojnë’ qytetin
Basha: Duhet reforma në zgjedhje, krimi merr ende vendimet
Harizaj u vra për hakmarrje, porosia nga Belgjika
