Komisioni i Disiplinës ka publikuar vendimin për ngjarjet e javës së kaluar në Kategorinë Superiore. Ato që morën vëmendje të madhe ishin stolat e thyer në stadiumin e ri kombëtar, “Air Albania”.
Si fillim ishte ndeshja mes Kukësit dhe Tiranës ajo që pati më shumë problematika, teksa pas takimit u konstatuan mbi 160 stola të thyer, ku pjesa më e madhe vinte nga sektori i tifozëve bardheblu.
Ndërkohë, problematikë pati edhe në ditën tjetër po në të njëjtin stadium në sfidën mes Partizanit dhe Bylisit. Pavarësisht se individët janë identifikuar dhe madje janë ndaluar e gjobitur nga policia, sërish Komisioni i Disiplinës është “kënaqur” me gjobat financiare ndaj klubeve.
Kështu, klubi i Tiranës është dënuar me masën financiare prej 500.000 lekësh të rinj. Sakaq, në masën e 100.000 mijë lekëve të rinj është penalizuar Kukësi dhe Skënderbeu. Partizani dhe Bylis janë gjobitur me nga 50 mijë lekë të rinj.
VAZHDO TË LEXOSH MË TEPËR PËR TEMËN
Disiplina gjobit rëndë Partizanin dhe Tiranën
Dënohen e gjobiten tifozëritë kryeqytetase
