Ekipi kampion i Bullgarisë, Ludogorets, ka mbërritur sot në Milano për ndeshjen ndaj Interit në “San Siro”, e vlefshme për sfidën e kthimit në Europa League, ku të parën e fituan zikaltrit 2-0.
Ajo që ka rënë në sy është se të gjithë futbollistët dhe stafi mbanin maska anti-koronavirus, por shumica edhe dorashka për t’u mbrojtur nga viroza ose kontaminimi. Paniku i përhapur në Itali, ku deri tani kanë humbur jetën 12 persona, ka përshirë edhe sportin, teksa në Itali në fundjavë do të luhen 6 ndeshje pa tifozë.
Here’s a video of the #Ludogorets players arriving in Milan, wearing face masks because of the #coronavirus threat in the Lombardia region. The Bulgarian champions are due to play Inter in tomorrow’s #UEL 2nd leg at San Siro behind closed doors #InterLudogorets pic.twitter.com/5L2oMEG8gb
— Metodi_Shumanov (@shumanskoo) February 26, 2020
Edhe ndeshja mes Interit dhe Ludogorets do të zhvillohet me dyer të mbyllura, ndërsa tifozët do të tërheqin mbrapsht paratë e shpenzuara për biletat. Ndërkohë, skuderia Ferrari në Itali ka mbyllur vizitat në muze, ndërsa në fabrikë punonjësit kontrollohen imtësisht.
