Edhe pse shumica e ndeshjeve të Serie A janë anuluar për shkak të virusit të tmerrshëm që ka pushtuar vendin fqinj, Lazio fitoi 3-2 në Genoa ndaj ekipit vendas, duke qëndruar vetëm 1 pikë pas Juventus.
Miqtë kanë kaluar në avantazh brenda 99 sekondave. Super Adam Marusic ka marrë përpara mbrojtësit e Genoas dhe ka shënuar përballë portierit, duke i dhënë avantazhin të tijve.
Ciro Immobile po zhvillon një sezon të çmendur, teksa ditën e sotme ka shënuar edhe golin e 27-të në Serie A. Në minutën e 51-të, sulmuesi shënoi golin e 0-2 për Lazion. Italiani shënoi me një goditje perfekte në cepin e portës. 27 gola në 25 ndeshje, absolutisht një sezon i çmendur për të dhe Lazion.
Gjithsesi, Genoa reagoi pas golit dhe çoi shifrat në 1-2. Një supergol i Cassatas nuk i dha asnjë shans Strakoshës. Lazio ka shënuar golin e qetësisë në minutën e 71-të me anë të Danilo Cataldit. Goli i Criscitos për vendasit në 90’ thjesht ka ngushtuar rezultatin.
VAZHDO TË LEXOSH MË TEPËR PËR TEMËN
Milanit i ikën fitorja në fundin e ndeshjes
Ronaldo rekord në ndeshjen 1000, i shënon Berishës
