Ka qenë protagonist në polemika, si me De Biasin, ashtu edhe me Rejan së fundmi. Mesfushori i Shqipërisë dhe Basel-it, Taulant Xhaka, është shprehur se ka pritur më shumë për të luajtur me Zvicrën, por fatkeqësisht nuk ia ka dalë mbanë dhe ka zgjedhur vendin e tij të origjinës.
Pse Shqipëria? – “Federata e Shqipërisë shprehu interes për mua shumë herët dhe unë doja të provoja karrierën me kombëtare që në moshë të re. Nuk ishte një vendim kundër Zvicrës.
E falenderoj Zvicrën që priti familjen time, u linda dhe u rrita, por doja të provoja eksperiencën me kombëtaret herët dhe kjo mundësi fatkeqësisht nuk mu dha me Zvicrën”.
Kush ndikoi? – “Familja ime nuk ka ndikuar aspak në vendim. Vendimi për të shkuar te Shqipëria ishte si rezultat i mosdurimit tim. Isha vetëm 19 vjeç, mosha më e mirë për të luajtur me kombëtaren.
Mund të prisja thirrjen e Zvicrës, por nuk isha i sigurt nëse do të vinte ndonëherë. Kam luajtur në Euro 2016 me Shqipërinë dhe kam realizuar një ëndërr të madhe. Nuk jam penduar për vendimin tim”.
Kombëtarja – “Në Shqipëri, njerëzit janë të fiksuar pas kombëtares. Nëse je në kombëtare, ata autmatikisht të trajtojnë si hero. Ka raste kur shkoj në restorante dhe më paguajnë faturat”.
Vëllai Graniti – “Ai ma thotë shpesh se më sheh si model, duke qenë se jam vllai i madh. Familja ime shkon shpesh në Londër, ndërsa ne flasim me kamera. Kemi një lidhje të ngushtë. Ka raste që mund të mos shihemi për 6 muaj. Kur takohemi luajmë play-station, shohim filma, dalim me miqtë, nuk gjejmë kohë për të folur për karrierën tonë”.
VAZHDO TË LEXOSH MË TEPËR PËR TEMËN
“Perla” e Xhakës i jep fitoren Kombëtares
Edy Reja “fal” Taulant Xhakën, për Grezdën…
Taulant Xhaka kthehet në telenovelë për Kombëtaren
