Lajmin e mirë për Milot Rashicën e jep e përditshmja gjermane “Bild”, e cila ka zbuluar se ka një interesim shumë konkret të anglezëve për futbollistin e përfaqësueses së Kosovës, aq sa janë gati të paguajnë klauzolën e tij.
Sipas saj, Jurgen Klop është interesuar për futbollistin pasi pëlqen lojën e tij dhe e sheh atë si një alternativë shumë cilësore për treshen e tij të sulmit Salah-Mane-Firmino.
Për momentin te të kuqtë alternativa të tjera për ta janë Origi, Lallana, Minamino dhe Shaqiri, por Klop kërkon një lojtar teknik dhe konkret para portës, ashtu siç është Rashica.
I njëjti burim insiston se për të shkëputur Rashicën nga Werder Bremen, mjafton të paguhet klauzola që është vendosur që në fillim në kontratën e tij.
Klubin gjerman, që kur e mori nga Vitesse, kishte nuhatur se futbollisti kosovar do të bëhej një emër i kërkuar e për këtë arsye, kishte vendosur shifrën 38 milionë euro në klauzolën e largimit. Një rekord për këtë klub, nëse shitet.
VAZHDO TË LEXOSH MË TEPËR PËR TEMËN
“Milot Rashica, krenaria e Kosovës”
Goli i Rashicës, më i bukuri i javës në Bundesliga
Gol dhe asist, Rashica në 11-n e javës
