09.02.2020 - 16:08
Pavarësisht zhurmës së madhe të Dinamos gjatë muajit janar në merkato, blutë janë mposhtur sot në shtëpi përballë Korabit, me dibranët që përmbysën 2-1.
Pjesa e parë u mbyll me rrjeta të paprekura. Kryeqytetasit gjetën të parët rrugën e rrjetës me anë të italianit Pontreli në minutën e 58-të, ndërkohë që miqtë nga Peshkopia, nuk u dorëzuan, teksa përmbysën rezultatin në minutat 64’ dhe 80’ me anë të Skukës dhe Kovaçit.
Dinamovitët tentuan të barazonin shifrat në minutat e fundit, por goli i Kolgegës u anulua nga gjyqtari anësor për pozicion jashtë loje. Me këtë disfatë vështirësohet situata në kampin dinamovit.