19.02.2020 - 09:24
Receta për: 4 persona
Nuk është një rizoto klasike. Ju sigurojmë për këtë!
INGREDIENTËT
- 2 gota e gjysmë lulelakër e grirë imët
- 1 qepë e grirë imët
- 1 spec jeshil
- 1 spec i kuq
- 2 thelpi hudhra
- 2 vezë të rrahura
- ½ filxhan me bizele të ngrira
- 5-6 karkaleca (varësisht numrit të personave që jeni)
- 1 qepë e njomë e grirë imët për servirje
- 1 lugë gjelle vaj luledielli
- Kripë, piper për shije
UDHËZIMET
- Në një tenxhere me pak vaj luledielli, skuqni qepën, karotën për 3-5 minuta.
- Shtoni specat e prera në copa të vogla dhe hudhrën. I përzieni vazhdimisht dhe i shtoni kripë e piper.
- I hiqni perimet nga tigani. I kaloni në një pjatë dhe i mbuloni për t’i mbajtur të ngrohta.
- Ndërkohë në një tigan me 1 lugë gjelle vaj, skuqni vezët dhe i përzieni vazhdimisht derisa ato të thërrmohen. I shtoni pak kripë e pipër.
- Tani shtoni edhe lulelakrën e copëtuar (gati si një oriz) dhe bizelet. Shtoni edhe perimet që latë mënjanë pak më parë. I përzieni mirë për 2-3 minuta.
- I shtoni karkalecat dhe i lini në zjarrr edhe për disa minuta të tjera. Shijojeni të ngrohtë me pak qepë të njomë të grirë sipër!
