SHBA dhe Rusia kanë pasur një marrëdhënie të komplikuar për më shumë se një shekull. Dy shtetet kanë qenë aleatë; kanë qenë armiq; luftuan luftëra së bashku; luftuan beteja kundër njëri-tjetrit.
Unë pyes veten nëse Rusia dhe SHBA janë të afta për të përmirësuar sigurinë globale së bashku pas kaq shumë ulje-ngritjesh. Sidoqoftë, unë e di se siguria jonë globale nuk do të ndryshojë nëse Presidenti Putin vazhdon sulmet në internet mbi vlerat tona dhe demokracinë.
Në vitin 1863, Rusia dërgoi anijet e saj luftarake në portet e SHBA si në oqeanin Paqësor ashtu edhe në Atlantik për të mbrojtur qytetet e SHBA nga sulmet e ushtarakëve britanikë dhe francezë. Ata shërbyen si mbrojtës për aq kohë sa ne u duheshim atyre.
Rusët nuk ishin miqtë tanë, ata tani ishin një kërcënim i drejtpërdrejtë për demokracinë tonë dhe vlerat.
Ne zgjodhëm miqësinë, por rusët zgjodhën një rrugë tjetër…
Ish-sekretarja e Shtetit, Hillary Clinton, u përpoq të rregullonte marrëdhëniet me Rusinë në 2009, por Rusia vazhdon të përpiqet të sulmojë demokracinë dhe vlerat thelbësore.
SHBA nuk mund të angazhohet pozitivisht me Rusinë kur vendi vazhdon të abuzojë me të drejtat e njeriut brenda Rusisë dhe në mbarë botën. Rusia vazhdon të sulmojë institucionet demokratike në të gjithë globin. Ata ndërhynë në zgjedhjet tona dhe po përpiqen ta bëjnë këtë përsëri; ata vranë gazetaren Anna Politkovskaya dhe autorin Alexander Litvinenko. Rusët madje u përpoqën të hyjnë në sistemet e infrastrukturës amerikane në vitin 2018.
Deri më sot, Kremlin ka mohuar çdo ndërhyrje në zgjedhjet tona për vitin 2016. Kremlini i Presidentit Putin nuk i drejton zyrtarët e qeverisë të kryejnë sulme. Në vend të kësaj, qeveria punëson aktorë privatë në të gjithë vendin dhe i udhëzon ata të kryejnë sulme kundër kombit tonë dhe aleatëve,.
SHBA dhe Rusia dikur ishin aleatë, por marrëdhënie të tilla nuk duken askund për aq kohë sa është në krye një udhëheqës si Vladimir Putin. Ne nuk mund të bashkëpunojmë me një vend, misioni kryesor i të cilit është të sulmojë vlerat tona kryesore dhe demokracinë.
SHBA është një udhëheqës botëror dhe një fener shprese për demokracinë dhe lirinë. SHBA do të përdorë fuqinë e saj për të sanksionuar dhe shteruar burimet e Rusisë kur ata përpiqen të shkatërrojnë vlerat tona themelore dhe demokracinë.
Ndoshta një ditë, ne mund të përpiqemi të shtypin sërish butonin “Start”, por deri atëherë, ne nuk do të bashkëpunojmë me një komb që vazhdimisht përpiqet të na dëmtojë.
Përkthyer dhe përshtatur nga International Policy Digest/ konica.al
VAZHDO TË LEXOSH MË TEPËR PËR TEMËN
“Nuk fshihem pas SHBA-së, kur bëj punë të liga”
BE duhet të bashkohet kundër Rusisë!
Arma e Putinit: ‘Shteti i inteligjencës’
