19.02.2020 - 09:31
Receta për: 4 persona
Këto petulla marrin pak më shumë kohë sesa petullat e tjera për t’u gatuar, por rezultati dhe shija në fund ia vlejnë!
INGREDIENTËT
- 1 gotë miell bajamesh
- ¼ gotë me miell kokosi
- 2 lugë gjelle vaj kokosi i shkrirë
- 2 lugë gjelle sheqer
- 3 vezë të mëdha
- ½ gotë me qumësht bajameje
- 1 lugë çaji ekstrakt vaniljeje
- 1 lugë çaji pluhur pjekjeje
- 1/8 lugë çaji me kripë
- Shurup panje ose mjaltë (opsionale për t’ia hedhur sipër petullave)
UDHËZIMET
- Në një enë rrihni së bashku vezët me qumështin derisa të bëhen kremoze.
- Shtoni më pas të gjithë përbërësit e thatë dhe vazhdoni t’i përzieni.
- Shtoni vajin e kokosit dhe i trazoni sërish.
- Në një zjarr mesatar vendosni tiganin që nuk ngjit. E lyeni me një spray kundër ngjitjes.
- Shtoni dy garuzhde nga masa e petullave që përgatitët.
- Rrotullojeni tiganin pak me dorë, derisa masa të shpërndahet në të gjithë sipërfaqen e saj.
- E lini të gatuhet për 3-4 minuta nga secila anë.
- I shërbeni menjëherë me shurup panje sipër. Ju bëftë mirë!
