Prerja e paligjshme e pyjeve vijon të mbetet shqetësuese në qztetin e Lezhës.Ky problem pranohet dhe nga nënkryetari i Bashkisë, i cili shprehet se shkelësit janë evidentuar dhe janë marrë të gjitha masat administrative ndaj tyre. Shfrytëzimi pa kriter i pyjeve në Lezhë është bërë objekt diskutimi në mbledhjen e Këshillit Bashkiak.
Këshilltarët ngritën shqetësimin për situatën e krijuar nga prerja e paligjshme e pyjeve në zonën e Ungrejt, ndërsa sipas tyre institucionet përgjegjëse nuk veprojnë për të ndaluar fenomenin, i cili është kthyer edhe në burim konflikti për banorët e zonës.
“Është kthyer në një problem të madh. Situata nuk është krijuar sot, por ka 8 muaj që është kjo bashki dhe nuk kanë dalë një ditë.”
Nga ana e tij, nënkryetari i Bashkisë Lezhë Ermal Pacaj pranoi problematikën, ndërsa tha se janë marrë një sërë masash për të frenuar fenomenin. Ermal Pacaj: Është problem i mbartur, kemi marrë masa. Shfrytëzimi i pyjeve në Lezhë është më evident gjatë stinës së dimrit, pasi shumë individë presin pyjet duke bërë biznes në tregtimin e druve për ngrohje.
VAZHDO TË LEXOSH MË TEPËR PËR TEMËN
“Ngrin” projekti për pyjet
Arrihet niveli më i lartë i shpyllëzimit të Amazonës
