Shumë fëmijë ëndërrojnë të shoqërojnë idhullin e tyre kapur për dore në fushë. Por të mendosh se mund ta realizosh ëndrrën pasi të kesh paguar një shumë të çmendur, është një gjë e trishtueshme.
Kjo është ajo që ka ndodhur në Premier League dhe është gazeta britanike Telegraph që ka zbuluar skandalin. Sipas të përditshmes britanike, shumë klube të Premier League u kanë kërkuar familjeve shuma të mëdha parash për t’i lejuar fëmijët e tyre që të shoqëronin futbollistët në fushë.
Telegraph ka shkruar për shifra që arrinin deri në 700 stërlina. Një çmenduri e vërtetë. West Ham, Nottingham Forest, Norwich dhe Aston Villa e kanë fiksuar në 500 stërlina koston e kësaj eksperience vërtet të pisët.
“Po kthehet në një privilegj për pak njerëz dhe kjo shkon kundër idesë së futbollit” – ishin fjalët e Julian Knight, drejtorit të Komitetit Dixhital të Dhomës së Komunave.
Klubet e lartpërmendura kanë buxhete me miliona euro dhe të mendosh që marrin nga 500 deri në 700 stërlina nga familjarët e fëmijëve, është një skandal.