25.02.2020 - 15:14
Receta për: 6 persona
Kremoze, e shijshme dhe e ulët në karbohidrate. Shkurt, duhet ta provoni!
INGREDIENTËT
- 6 gjokse pule (ose 1 pulë e ndarë në disa pjesë)
- 2 lugë gjelle vaj luledielli
- Kripë, piper
- 2 lugë gjelle miell
- ½ lëng limoni
- Për salcën e kërpudhave:
- 8 kërpudha të prera në feta-feta
- 3 lugë gjelle gjalpë
- 6 thelpi hudhra të grimcuara
- 1 filxhan pana
- 1 gotë ujë ose lëng perimesh
- Kripë, piper të zi të freskët
- Rigon
- 1 lugë gjelle qepë pluhur
- ½ filxhan me djathë parmigiano të grirë imët
UDHËZIMET
- Lyeni mishin e pulës me miell. Në një tigan me pak vaj dhe në nxehtësi mesatare, skuqni gjoksin e pulës nga të dyja anët për 5-6 minuta.
- I shtoni sipër lëng limoni. I mbuloni me letër alumini dhe i lini mënjanë në një tas.
- Në të njëjtin tigan shtoni kërpudhat, hudhrat dhe gjalpin. I përzieni për 3-4 minuta.
- Shtoni panën, ujin, erëzat dhe i vendosni kapakun sa të marrë një valë. Masa duhet të trashet pak.
- Tani i shtoni copat e pulës në të gjithë sipërfaqen e tavës dhe djathin parmigiano.
- Shërbejeni të ngrohtë dhe shijojeni!
