Procesi i vendimmarrjes së Bashkimit Evropian po vështirësohet përmes videokonferencave, në këtë kohë koronavirusi, thonë zyrtarët e BE, dhe e quajnë të gjithën këtë një “katastrofë”.
Një takim virtual i ministrave të jashtëm të BE të hënën u pengua nga problemet teknike, folësit që nuk ishin të sigurt nëse mund të dëgjoheshin dhe mungesa e përkthyesve.
“Këto video konferenca nuk funksionojnë shumë, ka probleme teknologjike dhe ndërprerje” Përshëndetje, a mund të më dëgjoni? “, tha një diplomat i lartë i pranishëm në lidhjen e së hënës.
Një koordinim i mirë midis 27 vendeve anëtare të BE-së është shumë i rëndësishëm.
Por ndalimet e udhëtimeve dhe mbyllja e kufijve e kanë bërë më të vështirë se zakonisht për BE-në, dhe shumë organizata nuk janë në gjendje të mbledhin përfaqësuesit për takime.
“Videokonferencat, janë katastrofë, ikën figura, zëri,” u tha gazetarit të premten kryediplomati i BE-së, Josep Borrell, i cili ka marrë pjesë në bisedime virtuale me ministrat aziatikë dhe evropianë.
Ai tha se preferonte bisedat telefonike.
Ministri i Jashtëm gjerman Heiko Maas mbrojti video-konferencat, duke thënë se ato mund të organizohen shpejt. Vendimet e marra mund të zyrtarizohen me shkrim, tha ai.
Por shumë diplomat të BE-së thanë që e gjitha kjo nuk është aspak efektive.
“Është një test për Evropën. Nuk ka samite, as mbledhje ministrash”, thanë diplomatët.
VAZHDO TË LEXOSH MË TEPËR PËR TEMËN
“Bota po përgatitet për një pandemi të mundshme, por…”
“Duhet të jeni vigjilent mbi koronavirusin! Të zbatohen udhëzimet e OBSH”
“Me apo pa koronavirus, Kina do tejkalojë SHBA”
