Italia është vendi më i prekur në Europë nga Covid-19. Plot 28 mijë raste me të prekur nga virusi famëkeq, teksa tashmë numërohen mbi 2 mijë persona që kanë humbur jetën. Përballë urgjencës së koronavirusit, ndërhyrja e Silvio Berluskoni nuk ka munguar.
Ish-kryeministri i Italisë dhe ish-presidenti i Milanit, ka dhënë ndihmë konkrete në favor të atyre që janë duke luftuar epideminë dhe duke bërë çdo përpjekje të mundshme për të ndaluar përhapjen e virusit dhe për të ndihmuar pacientët e shtruar në spital.
Presidenti aktual i klubit të Monza-s ka vënë në dispozicion të rajonit të Lombardisë, përmes një donacioni, shumën prej 10 milionë eurosh. Shumë kjo e nevojshme për realizimin e departamentit me 400 njësi të kujdesit intensiv në Milano-s.
Por edhe për raste urgjente shëndetësore nëse ka të tilla. Një gjest human ky i Berlusconit, që tregon edhe njëherë jo vetëm anën njerëzore, por edhe solidaritetin dhe përkrahjen ndaj bluzave të bardha. Ndoshta ky veprim i tij do të nxisë edhe të tjerë biznesmenë në Itali apo botë për të lehtësuar sadopak barrën e atyre që po luftojnë pandeminë e krijuar nga Covid-19.
VAZHDO TË LEXOSH MË TEPËR PËR TEMËN
Gjesti human i yllit të Liverpoolit për fëmijët e sëmurë…
