Dy gola në tri ditë, Endri Çekiçi është kthyer protagonist absolut në ekipin e tij Olimpija Ljubjana në kampionatin slloven. Sulmuesi shqiptar realizoi një gol kryevepër nga goditja e dënimit në transfertë ndaj Aluminij.
23-vjeçari ka goditur mjeshtërisht në trekëndëshin e djathtë të portës, duke çuar në delir skuadrën e tij për avantazhin 0-1. Ky ishte goli i nëntë i tij në kampionat, ku është aktivizuar në 19 ndeshje. Skuadra e Çekiçit fitoi 2-1 me ekipin e vendit të tretë, duke përforcuar pozitat në vendin e parë.
Ish-lojtari i Dinamos së Zagrebit po dërgon javë pas javë sinjale te stafi i kombëtares shqiptare dhe trajneri Reja, duke i treguar se ka ardhur momenti, që edhe ai të provojë të veshë fanellën e ekipit kombëtar. Çekiçi ka luajtur me të gjitha kombëtaret e moshave të Shqipërisë.
VAZHDO TË LEXOSH MË TEPËR PËR TEMËN
Zyrtare, Endri Çekiçi prezantohet në Slloveni
Mesfushori i Kombëtares shënon supergol
