MENU
klinika

Deklaratat e Haradinaj

“Ftesa e Albin Kurtit për takim, ishte fyerje për mua”

03.03.2020 - 08:43

Ish-kryeministri i Kosovës dhe kryetari i AAK-së, Ramush Haradinaj ka thënë se është ndjerë i fyer nga ftesa e Kurtit për takim.

Haradinaj, në një nga televizionet shqiptare u shpreh se Kurti ftesën e bëri një ditë pasi deklaroi largimin e taksës.

“Për mua kjo ka qenë një fyerje. Po të bëhej ftesa një ditë para konferencës për largimin e taksës do ta respektoja Kurtin”.

Haradinaj ka folur edhe për vrasjet e pasluftës dhe vrasjen e fundit të ish-luftëtarit të UÇK-së, Qerim Kelmendi.

Ai thotë se gjatë shkuarjes për ngushëllim te familja e Qerim Kelmendit u ka dhënë porosinë që të mos nxitohen.

“U kam thënë të mos nxitohen, sepse pikërisht ku mund t’iu dhemb zemra mund të mos jetë aty”,– u shpreh ai.