MENU
klinika

Detajet e operacionit

Grabitja në Rinas/ Arrestohen vëllezërit

19.03.2020 - 09:57

Arrestohen në Qerret të Kavajës vëllezërit Klement dhe Eldi Çala, në kërkim për dy grabitje të bujshme njëra në rrugën e Rinasit dhe tjetra brenda aeroportit. Në një operacion me përfshirjen e 300 forcave policore, vëllezërit Çala u prangosën në një banesë që kishin marrë me qira në këtë zonë.

Policia thotë se u sekuestruan armë zjarri sasi të mëdha vlerash monetare dhe automjete. Operacioni u zhvillua nga Departamenti i Policisë Kriminale, Forca e Posaçme Operacionale në Policinë e Shtetit, njësia speciale FAST Albania, RENEA dhe Drejtoritë Vendore te Policisë Durrës, Tiranë e Elbasan.

Ministri i Brendshëm Sandër Lleshaj ka reaguar menjëherë për arrestimin e Klement Çalës dhe Eldi Çalës për grabitjen e Rinasit jo vetëm në 2019 por edhe në 2017. Lleshaj shprehet se vëllezërit Çala janë dy protagonistët kryesorë të grabitjes së 2019 dhe me kapjen e tyre laku ndaj bandës së Rinasit drejt mbylljes së plotë. Ministri paralajmëron krimin se është vetëm çështje kohe përballja me ligjin dhe drejtësinë.