Prej më shumë se dy javësh e mori vesh se ishte infektuar me virusin Covid-19, madje Florian Riza disa ditë ishte i shtruar në spital. Ish-futbollisti, tani pjesëtar i FSHF-së, pasi ka ndjerë simptomat karakteristike, iu nënshtrua testeve mjekësore dhe ka rezultuar pozitiv.
Megjithatë, ditët e vështira për ish-lojtarin e Tiranës kanë përfunduar dhe ai e ka kaluar sëmundjen. Floriani ka rezultuar negativ në testin e bërë dhe është gati të lërë spitalin, për të vazhduar një izolim dyjavor në shtëpinë e tij.
Riza aktualisht punon si gazetar e gjithashtu ndihmon për zhvillimin e futbollit të femrave, pranë FSHF. Gjatë karrierës së tij si futbollist ai është aktivizuar me Tiranën dhe Adana Demirspor në Turqi.