MENU
klinika

Abuzimi me çmimet

Kontroll ‘blic’ në farmacitë e Durrësit, e pësojnë dy pronarë

15.03.2020 - 09:08

Pas ankesave të shumta të qytetarëve për abuzimin me çmimet në situatën e krijuar nga koronavirusi, Policia e Durrës ka kryer kontrolle të befasishme në të gjitha farmacitë e qytetit.

Nga kontrollet, uniformat blu kanë proceduar dy pronare farmacish, të cilat akuozhen për “Fshehje të të ardhurave”.

  • Njoftimi i policisë:

Durrës/ Strukturat e DVP Durrës, kontrolle të befasishme në të gjitha farmacitë, për parandalimin e tregtimit të medikamenteve me çmime abuzive dhe fshehjes së të ardhurave.

Finalizohet operacioni i koduar “Medikamenti”.

Procedohen penalisht 2 pronare të farmacive, për veprën penale “Fshehja e të ardhurave”.

kolana e librave

Specialistët për Hetimin e Krimit Ekonomik dhe Financiar në Drejtorinë Vendore Durrës, në zbatim të masave të përcaktuara në Planin e Masave për parandalimin, evidentimin dhe goditjen e rasteve abuzive të tregtimit të medikamneteve me çmime të rritura fiktivisht, duke përfituar nga situata emergjente e COVID-19 që po kalon vendi, si dhe fshehjen e të ardhurave të përfituara nga abuzimi me çmimet, kanë organizuar dhe finalizuar operacionin policor “Medikamenti”, në kudër të të cilit u proceduan penalisht 2 shtetase, pronare të farmacive dhe konkretisht shtetaset:

S. L., 32 vjeçe, banuese në Durrës dhe E. D., 40 vjeçe, banuese në Shijak, Durrës.

Gjatë kontrollit të ushtruar në farmacinë në lagjen Nr. 13, u gjetën dhe u sekuestruan një sasi disifektantësh për duart (xhela antibacterial), pa faturë tatimore, të cilët shiteshin me çmime abuzive, si dhe në farmacinë në lagjen Nr. 4, u konstatuan shitje pa kupon tatimor.

Kontrollet e befasishme do vijojnë në të gjithë qarkun, për parandalimin dhe goditjen e paligjshmërisë dhe përfitimit nga situata e krijuar duke abuzuar me çmimet jo vetëm të medikamenteve, por të çdo produkti për konsum nga qytetarët.

Materialet i kaluan Prokurorisë së Rrethit Gjyqësor Durrës, për veprime të mëtejshme.

VAZHDO TË LEXOSH MË TEPËR PËR TEMËN


Bussines Insider/ Paralajmërojnë analistët

“Recesioni global është i pashmangshëm”

Fitimi i parë pas 6 javësh

CNBC/ Stabilizohen çmimet e naftës