MENU
klinika

"Përpjekjet do japin rezultat"

Koronavirus “pushton” Italinë/ Meta letër solidariteti Presidentit Mattarella

09.03.2020 - 11:32

Presidenti i Republikës së Shqipërisë, Ilir Meta, i ka dërguar sot një letër Presidentit të Republikës të Italisë, Sergio Mattarella, në të cilën shpreh solidaritetin e tij dhe të gjithë popullit shqiptar mbi situatën e krijuar së fundmi në vendin fqinj nga përhapja e virusit COVID-19, si dhe ngushëllimet për humbjet e jetëve nga ky virus.

Presidenti Meta mbështet masat e detyruara të marra me përgjegjësi të lartë shtetërore nga autoritetet Italiane dhe i vlerëson këto masa si mjaft të rëndësishme jo vetëm për Italinë por dhe për të gjithë rajonin.

kolana e librave

Duke shprehur bindjen se përpjekjet e autoriteteve italiane për të izoluar këtë epidemi shpejt do të japin rezultate dhe do të kthejnë normalitetin në jetën e italianëve, Presidenti Meta nënvizon se angazhohet për të forcuar bashkëpunimin ndërmjet autoriteteve shëndetësore të të dy vendeve në përballimin e kërcënimit të kësaj epidemie.

VAZHDO TË LEXOSH MË TEPËR PËR TEMËN


Rezultatet e para në spitalin Cotugno janë të mira

Itali, testohet një ilaç anti-artrit i përdorur në Kinë