MENU
klinika

"Çfarë do të thotë të jesh pjesë e Europës?"

Leksion për ‘Evropën e pasur’ nga ‘Shqipëria e vogël’

29.03.2020 - 11:50

Lufta kundër Coronavirus nuk ka kombësi dhe nuk mund t’u lërë vend llogaritjeve egoiste. Kryeministri shqiptar Edi Rama, me gjestin e tij të vogël por të madh, u mësoi liderëve evropianë se çfarë do të thotë të jesh pjesë e Evropës.

Shqipëria ka dërguar një ekip prej 30 mjekësh dhe infermierësh për të ndihmuar Lombardinë në luftën kundër koronavirusit.
Një patrullë e vogël, kuptohet, por që nuk pritej aspak dhe sigurisht që nuk merret si e mirëqenë nga një vend që ende po lufton me një mijë vështirësi, duke filluar nga rindërtimi pas tërmetit të tmerrshëm të vetëm dy muajve më parë.

kolana e librave

Këtë e di mirë edhe kryeministri shqiptar, Edi Rama, që shpjegoi me një italishte të cilën do t’ia kishin zili anëtarë të ndryshëm të klasës sonë qeverisëse vendore se ai gjest ishte detyrë:
“Ne nuk jemi pa kujtesë – tha ai nuk mundemi që të mos i tregojmë Italisë se Shqipëria dhe shqiptarët nuk braktisin kurrë një mik në nevojë. Sot jemi të gjithë italianë, dhe Italia duhet të fitojë dhe do ta fitojë këtë luftë edhe për ne, për Evropën dhe për gjithë botën”.
Pikërisht ajo Evropë që ende është e dyzuar se si, sa dhe kur do të japë ndihmën e nevojshme për vendet e saj që lëngojnë nga epidemia nuk mundet veçse të asistojë, me shpresë se do ketë një fije turpi, në bujarinë shqiptare.

Një gjest, ai po, pro-evropian, nga ata që shpresojnë të hyjnë një ditë në Bashkimin Evropian, por dukshëm me një frymë që shumë, sidomos në Veri të kontinentit, duket se e kanë harruar:
“Eshtë e vërtetë që të gjithë janë mbyllur në kufijtë e tyre – shtoi Rama – dhe vende shumë të pasura u kanë kthyer shpinën të tjerëve. Por ndoshta ngase nuk jemi të pasur dhe as pa memorie, nuk mund t’i lejojmë vetes që të mos i tregojmë Italisë se Shqipëria dhe shqiptarët nuk e braktisin.”
/ Open

Gjenden shkrime të fshira nga interneti atëherë kur bota duhet të lajmërohej

Kina censuroi mediat për të fshehur pandeminë

"Shqipëria, epiqendra e re europiane e teknologjisë 'blockchain'

Mediat e huaja, jehonë pozitive ligjit për kriptomonedhat

Vendi me 10 mijë të infektuar në ditë ia kalon dhe Italisë

Pandemia krijon një tjetër vatër të nxehtë në botë

"Javën tjetër ia çojmë draftin Komisionit për Zgjedhoren"

Përfundon mbledhja e Këshillit Politik, Gjiknuri zbulon çfarë u diskutua