Milan nuk gjen qetësi. Shefi i klubit Zvonimir Boban mbyll përfundimisht bashkëpunimin me klubi kuqezi. Në një komunikatë zyrtare të 7-herë kampionëve të Europës njoftohet se Milani dhe Boban ndërpresin bashkëpunimin pas 9 muajsh.
Shkarkimi i tij tashmë ishte thjesht një formalitet, pasi ai dhe shefi ekzekutiv i bordit të klubit të Milanit, Ivan Gazidis, nuk arritën mirëkuptimin për të vazhduar bashkëpunimin.
Përveç kësaj, Milani i dha besim teknikut Stefano Pioli për të vazhduar punën e tij deri në përfundim të sezonit. Rezultatet e mëtejshme në kampionat do të përcaktojnë dhe fatin e Piolit te Milani.
NJOFTIMI
“Milan i komunikoi z. Zvonimir Boban ndërprerjen e kontratës për rolin e Shefit të Klubit. Klubi e falenderon Bobanin për punën e tij të bërë gjatë 9 muajve dhe i uron më të mirat në karrierë.
Gjithashtu, klubi konfirmon besimin e plotë për Stefano Piolin dhe stafin e tij teknik dhe sheh me optimizëm drejt pjesën së dytë të sezonit duke pritur përmirësimin e ekipit rikthimin në elitën e futbollit botëror.”
VAZHDO TË LEXOSH MË TEPËR PËR TEMËN
“L’Equipe”: Krerët e Milanit ikin bashkë me Piolin
