Kjo e hënë shënoi viktimën e katër në vend dhe kryeministri Rama thotë se kemi hyrë në një javë tejet të vështirë dhe po humbasim njerëz.
Shefi i qeverisë u kujton qytetarëve se kemi vetëm një gjë në dorë për të kursyer sa më shumë jetë dhe lehtësuar sa të mundemi vuajtjet e mëdha.
“Të shtrëngojmë dhëmbët dhe durojmë, durojmë, durojmë, duke mos shkelur ligjin e luftës për kufizimin e lëvizjes; duke mos dalë nga shtëpia kot; duke ecur vetëm në rrugë kur kemi një domosdoshmëri jashtë shtëpisë; duke ndenjur në radhë në distancë minimumi 1 metër pas kurrizit të njëri-tjetrit kur bëjmë pazar; duke rezistuar, rezistuar, rezistuar”.
Në 24 orët e fundit në vendin tonë u shënuan 2 të vdekur me COVID 19, duke e çuar në katër numrin e viktimave. Ndërkohë zyrtarisht janë 89 persona të infektuar, ndërsa katër raste të reja të dyshuara në Vlorë pritet të konfirmohen nga Ministria e Shëndetësisë.
VAZHDO TË LEXOSH MË TEPËR PËR TEMËN
“Kjo është luftë”, Rama: Do mbyllim disko, pube dhe palestra
“Nga mesdita nuk ka më autobusë!”
“Në luftë me Koronavirusin”, Rama njofton masën e radhës
