Nga dita e sotme, Serbia ka mbyllur kufijtë me qëllim parandalimin e përhapjes së koronavirusit. Lajmin e ka bërë të ditur ministria e Jashtme shqiptare, e cila i sjell në vëmendje shtetasit shqiptarë që askush nuk do të lejohet të hyjë në territorin serb.
“Në vëmendje të shtetasve shqiptarë, Ministria për Evropën dhe Punët e Jashtme bën me dije se nga data 20 mars 2020, autoritetet serbe kanë informuar mbylljen e kufijve të territorit të Serbisë, me qëllim evitimin e përhapjes së virusit Covid-19. Për pasojë, shtetasit e vendeve të tjera, nuk do të lejohen të hyjnë në Serbi”, informon ministria.
Gjithashtu, MEPJ informon se autoritetet sllovene nuk do të lejojnë hyrjen në Slloveni për 30 ditët e ardhshme, të shtetasve të vendeve të tjera, me përjashtim të atyre që kanë lejeqendrimi të vlefshme në Slloveni.
VAZHDO TË LEXOSH MË TEPËR PËR TEMËN
Koronavirus/ Serbia shtrëngon masat
Koronavirusi/ Si renditet Shqipëria për kapacitetet shëndetësore
