Kryetarja e parlamentit të Kosovës, Vjosa Osmani i është përgjigjur presidentit të Kosovës, Hashim Thaçi, lidhur me kërkesën e sotme për seancë. “I nderuar president Thaçi..ju njoftoj se në përputhje me praktikat e mëhershme, të ngritura tashmë nga Presidentët që kanë shërbyer para jush, kërkesa për t’iu drejtuar Kuvendit duhet të dërgohet disa ditë më herët, në mënyrë që ai të ketë kohë për ta organizuar seancën”, ka shkruar Osmani.
Për më tepër, thekson ajo, Kuvendi i Kosovës ashtu si dhe shumica e deputetëve do të jenë të angazhuar në aktivitetet për nder të Epopesë së UÇK-së. “Këto aktivitete do të mbahen përgjatë datave 5,6 dhe 7 mars. Kurse në 9 mars, Kuvendi do të organizojë një seancë tematike me qëllim sensibilizimin e opinionit për viktimat e dhunës seksuale gjatë luftës së fundit në Kosovë”, ka sqaruar kryeparlamentarja.
Thaçi u shpreh më herët se nëse nuk i lejohet raportimi në parlament, sqarimet e tij do t’i bënte në një konferencë për shtyp. “Askush nuk është pronar i Kuvendit”,ka deklaruar ai. Presidenti e kishte kërkuar seancën për të raportuar mbi vizitën e vet zyrtare në SHBA.
VAZHDO TË LEXOSH MË TEPËR PËR TEMËN
‘Pazari VV-LDK’/ Çfarë shkruan Kosova?
“Çdo dallim për taksën mes LDK-së dhe LVV-së do të zgjidhet!”
