MENU
klinika

Kryeministri italian: Faleminderit Shqipëri!

Skuadra me mjekë e infermierë shqiptarë i bashkohet ekipit mjekësor në Bergamo

29.03.2020 - 12:29

Një ditë pasi qeveria shqiptare dërgoi në Bergamo një skuadër prej 30 mjekësh e infermierësh për t’ju bashkuar bluzave të bardha në vijën e parë të luftës kundër COVID-19, vjen një reagim nga kryeministri italian Giuseppe Conte.

Ky i fundit e teksa ka shpërndarë në faqen e tij zyrtare në ‘Facebook’ fjalimin e homologut të tij, Edi Rama, ka falënderuar autoritetet shqiptare. “Faleminderit”, shkruan Conte, ndërsa ka publikuar dhe ikonën e flamurit shqiptar.

Kujtojmë se Rama ishte dje në Rinas për të përcjellë ekipin shqiptar, ndërsa theksoi se Shqipëria e bëri këtë në shenjë solidariteti, duke shtuar se; “pavarësisht se nuk jemi të pasur, shqiptarët nuk e harrojnë mikun në vështirësi”.

kolana e librave

“E di se 30 mjekë nuk e përmbysin raportin. Por di që edhe andej është shtëpia jonë që ku Italia, motrat dhe vëllezërit italianë na pritën kur Shqipëria digjej nga dhimbjet e papërshkrueshme. Ne po luftojmë me të njëjtin armik të padukshëm dhe mjetet nuk janë pa kufij. Por nuk mund të mbajmë forcat rezerva kur në Itali po kurohen dhe shqiptarë të plagosur nga armiku dhe që kanë nevojë për ndihmë.

Është e vërtetë që sot të gjithë janë mbyllur në kufijtë e tyre. Mbase pikërisht pse nuk jemi të pasur dhe nuk na ka lënë kujtesa akoma, ti tregojmë Italisë se nuk e harrojmë mikun në vështirësi.
Kjo është një luftë ku askush nuk fiton dot I vetëm. Dhe ju të dashur anëtarë dhe anëtare të një misioni kurajoz po niseni për një luftë që është edhe e jona. Sot jemi të gjithë italianë. Italia duhet dhe do ta fitojë luftën edhe për ne edhe për gjithë Europën e botën.

Zoti ju bekoftë të gjithëve.”– tha Rama dje.

VAZHDO TË LEXOSH MË TEPËR PËR TEMËN



"Shqipëria, epiqendra e re europiane e teknologjisë 'blockchain'

Mediat e huaja, jehonë pozitive ligjit për kriptomonedhat

Vendi me 10 mijë të infektuar në ditë ia kalon dhe Italisë

Pandemia krijon një tjetër vatër të nxehtë në botë

"Javën tjetër ia çojmë draftin Komisionit për Zgjedhoren"

Përfundon mbledhja e Këshillit Politik, Gjiknuri zbulon çfarë u diskutua

"I thamë ambasadores Kim se nuk votojmë për pazare"

Opozita parlamentare kundër marrëveshjes