Sikur të mos i mjaftonte situata aspak komode me rezultatet e fundit, gjiganti holandez Ajax po përballet me një gjendje të pazakontë. Tre pjesëtarë të saj janë futur vullnetarisht në karantinë pasi besojnë se janë prekur nga Koronavirus.
Bëhet fjalë për ndihmës-trajnerin e Erik ten Hag, Christian Poulsen, trajnerin e fitnesit, Alessandro Schoenmaker dhe një person të tretë, emri i të cilit nuk është zbuluar nga gazeta më e madhe në vend, De Telegraaf.
Duke iu referuar këtyre burimeve, gjithçka erdhi pas festës së ditëlindje së organizuar nga Poulsen, pjesë e të cilës ishte dhe ish lojtari i kombëtares daneze, Thomas Kahlenberg, që prej asaj kohe ka dalë pozitiv në testet anti-koronavirus. Megjithatë, deri më tani asnjë prej 3 pjesëtarëve të Ajax nuk ka shfaqur simptomat e virusit, por rreziku duket evident.
VAZHDO TË LEXOSH MË TEPËR PËR TEMËN
Koronavirusi, Kombëtarja në hall me miqësoret
