Poeti dhe autori i shumë teksteve këngësh, Agim Doçi, ka kujtuar mes lotësh, por edhe me vargje Rikard Ljarjen, aktorin e madh i cili vdiq një ditë më parë.
Pengu më i madh për Doçin, është fakti se, sot nuk mund t’i japë lamtumirën mikut të tij, si pasojë e COVID 19. Por, kjo situatë nuk e ka ndalur atë, të thurë vargje e të mallëngjejë të gjithë.
“Kam jetuar në Shkodër 16 vjet, e pashlyer do mbetet për mua kur në Kukës erdhi si personazh jetësor për të përjetësuar një personazh të thjeshtë atë “Dedën” e famshëm. Ai ishte një nga rolet më të personalizuar dhe më të realizuar të Rikardit. Dhimbja më e madhe sot është që nuk shkojmë dot ta përcjellim, t’i hedhim një dorë dhe atij shkodrani që me zemërgjerësinë e tij pati ndihmuar të bëhet aktor edhe një djalosh shkodran Frederik Ndoci. Kanë aktruar bashkë”- tha ai.
Doçi thuri këto vargje për mikun e tij, Rikard Ljarja:
NE ishim shokë RIKARDI shtrenjt
Sa shpejt që ike O NJERI…
KUJTESA jonë të ka të SHENJT
TI yll i ndezun me DASHURI.
Do ikin vitet TI s’do harrohesh
MAGJIA yte – PRINC i aktrimit
TI mbetesh YLLË e do kujtohesh
SIMBOL i gjallë n’magjin e filmit.
Do jesh tek ENGJËJT perkrah me shokët
Po unë RIKARD ku ti çoj lotët?
VAZHDO TË LEXOSH MË TEPËR PËR TEMËN
Ndërron jetë regjisori dhe aktori Rikard Ljarja
“Unë s’paskom pse me ardhë n’Myslim Shyri”
“Kumbari mungon sot në mortin tënd”
