Belgjika është vendi i parë në botë që ka marrë një vendim drastik sa i përket futbollit. Kjo si pasojë e përhapjes së virusit Covid-19. Drejtuesit më të lartë të futbollit në vend kanë vendosur të mbyllin gjithçka dhe të vazhdojnë të qetë luftën me koronavirusin.
Kështu, “Division A” mbyllet pas 29 javësh dhe fitues i këtij edicioni të pazakontë është një emër i zakontë, Club Brugge. Ata shpallen kampion me meritë të plotë edhe pse kampionati nuk është mbyllur ende, sepse kanë arritur të shkëputen plot 15 pikë nga Gent i vendit të dytë.
Mbetet për t’u parë pjesa tjetër e kampionateve, teksa “zemra” e futbollit europian lëngon nga dhimbjet e shkaktuara nga Covid-19. Dhe ç’është më e rëndësishmja, nuk e di askush sesa do zgjasë kjo dhimbje. UEFA po përpiqet për të arritur të gjejë një fashë kohore në mënyrë që kampionatet të mbyllen të gjithë.
VAZHDO TË LEXOSH MË TEPËR PËR TEMËN
“Tërheq ekipin nëse jepet urdhër për të luajtur”
UEFA del me vendime të tjera për sezonin dhe kupat
Vetëm në 3 shtete të botës luhet futboll
