MENU
klinika

Bie mbështetja...

Koronavirus ‘dëmton’ Donald Trump

25.04.2020 - 08:39

Ndërkohë që rritet numri i viktimave të koronavirusit në Shtetet e Bashkuara, mbështetja për Presidentin Donald Trump është në rënie.

Nga fundi i marsit, kur numri i viktimave ishte relativisht i vogël, opinioni publik për Presidentin Trump ishte thuajse i ndarë në mes, me 50.2% që e kundërshtonin udhëheqjen e tij dhe 46.3% që shprehnin përkrahje.

Por që nga ajo kohë, është thelluar hendeku me rritjen e atyre që e kundërshtojnë qëndrimin e presidentit ndaj krizës së koronavirusit. Aktualisht në Shtetet e Bashkuara numërohen mbi 47 mijë të vdekur nga COVID-19. Sipas anketave të fundit, 52.5% e amerikanëve kanë opinion negativ për udhëheqjen që ka treguar presidenti, ndërsa 43.5% e mbështesin.

Gjatë nëntë ditëve të fundit, 24 nga 25 anketa tregojnë se shumica e amerikanëve kanë opinion negativ për punën që po bën Presidenti Trump. Vetëm një anketë rezultoi me 50% pro dhe 50% kundër punës së presidentit.

Ndërkohë që zgjedhjet e nëntorit janë ende larg, anketat tregojnë se presidenti renditet pas rivalit të tij demokrat, Joe Biden në garën për president.

 

VAZHDO TË LEXOSH MË TEPËR PËR TEMËN


Si e shkatërroi besimin

“Kina e ka humbur Europën…”

"Rekomandimet e ekspertëve do të përcaktojnë hapat..."

“Kurba e koronavirusit po fillon të sheshohet”, reagon Trump

Reagon Shtëpia e Bardhë për koronavirusin

“Media bën panik për të dëmtuar Trumpin”