Travis Scott feston sot 28 vjetorin e lindjes dhe nëse po pyesni a e ka uruar Kylie Jenner përgjigjia është një “PO” e madhe.
Nëpërmjet një InstaStory, Kylie Jenner e ka uruar duke hedhur një foto ku shfaqen të dy.
“Gëzuar ditëlindjen. Prindërit e Stormit”, ka shkruar ylli i reality show, e cila e ka etiketuar edhe reperin e njohur.
Sipas “Mirror”, çifti jo vetëm që është kthyer me njëri-tjetrin, por e kanë kaluar marrëdhënien e tyre në një stad më serioz.
Mendohet që Kylie Jenner është fejuar me Travis dhe çdo dyshim ka lindur nga unaza e diamantit që ajo mbante në dorën e majtë.
Teksa Kylie po mundohej të tregonte ngjyrën e re të thonjëve, ne nuk mundëm dot të hiqnim shikimin nga unaza.
Pra, çifti paska reflektuar në karantinë dhe kanë kuptuar që nuk mund të rrinë dot larg njëri-tjetrit. Madje ata paskan vendosur që të hedhin një hap më serioz në marrëdhënien e tyre, siç është fejesa. Epo urime!
Kylie dhe Travis vendosën të bënin një pauzë në marrëdhënien e tyre në vjeshtë, por me sa duket koha e pushimit mbaroi dhe ata janë rikthyer pas një ndarjeje gati 6-mujore. Stormi nuk mund të jetë më e lumtur se kaq.
