MENU
klinika

Ja ç'kanë zbuluar shkencëtarët!

Pas shumë kohësh, Dielli po “zgjohet”!

07.04.2020 - 16:50

Pas një përgjumjeje të gjatë, Dielli fillon të zgjohet: shenja është një grup pikash që janë shfaqur në hemisferën e tij veriore, sipas fizikantit diellor Mauro Messerotti, nga Observatori Trieste i Institutit Kombëtar të Astrofizikës (INAF) dhe i Universitetit të Trieste.

”Pamja e tij tregon se riorganizimi i fushës magnetike diellore është duke u zhvilluar dhe tashmë prodhon disa tuba magnetikë të ciklit të ri të aktivitetit, duke krijuar disa grupe sporadike të njollave”, theksoi Messerotti.

”Këto pika të Diellit kanë në të vërtetë nënshkrimin e ciklit të ri, sepse ato u shfaqën në një gjerësi të madhe dhe e kanë të përmbysur fushën magnetike në lidhje me pikat e ciklit të vjetër, por cikli i ri sapo ka filluar sepse jemi akoma në fazën minimale”, shtoi ai.

Ciklet diellore, të cilat zgjasin mesatarisht 11 vjet, shënohen saktësisht midis periudhave të aktivitetit maksimal të Diellit, në të cilin rritet numri i pikave të diellit, dhe periudhat e aktivitetit minimal, numri i të cilave zvogëlohet/ANSA.