09.04.2020 - 19:17
Receta per: 8 persona
Një pjatë me këtë supë kush nuk e donte!
INGREDIENTËT
- 1 gjoks pule
- 1 qepë e prerë imët
- 2 degë selino
- 2 karota
- 1 lugë gjelle vaj ulliri
- 6 gota me lëng pule
- 2 thelpi hudhra të grimcuara
- Kripë, piper të zi për shije
- ¾ filxhan me orzo (tip paste)
- ½ filxhan me lëng limoni
- 1 lugë gjelle borzilok i freskët
- ½ lugë kafe xhinxher i freskët pluhur
- 2 lugë gjelle miell misri+1 lugë ujë për ta përzierë
UDHËZIMET
- Lani mirë perimet dhe i prisni në copa të vogla.
- I shtoni në një tenxhere ku keni skuqur më parë hudhrat me pak vaj.
- Shtoni lëngun e pulës, kripën, xhinxherin, dhe pak piper.
- I vini kapakun dhe i lini të gatuhen për 15 minuta në zjarr mesatar.
- Tani shtoni gjoksin e pulës që e keni prerë imët dhe e lini sërish çerek ore.
- Pas 15 minutash shtoni orzon dhe borzilokun. I përzieni dhe i lini edhe 10 minuta të tjera në zjarr.
- Në këtë pikë mund t’i shtoni miellin e misrit dhe lëngun e limonit.
- Pas 5 minutash supa është gati për t’u shërbyer. Ju bëftë mirë!
