Dëshira për ta pasur publikun pranë dhe për t’i ofruar një atmosferë të gëzueshme gjatë izolimit, ka nxitur edhe artistët kosovarë. Ata kanë gjetur forma të ndryshme, për të mos i shkëputur lidhjet as në këtë kohë të vështirë.
Pas teatrove në Kosovë, që kanë filluar transmetimin e shfaqjeve live në Facebook, një veprim të tillë po e ndërmerr edhe Baleti Kombëtar i Kosovës.
Nga java e ardhshme, Baleti Kombëtar i Kosovës do të fillojë transmetimin online të shfaqjeve, çdo të enjte në ora 19:00.
“Pasi masat për mbrojtjen nga COVID-19, do të vazhdojnë deri në afat të pacaktuar, Baleti Kombëtar i Kosovës, nga java e ardhshme do të fillojë transmetimin Online të shfaqjeve, çdo të Enjte në orën 19:00, duke filluar nga premiera e fundit dhe në vazhdim premierat paraprake.
Shpresojmë që kjo gjendje do të përfundojë sa më shpejtë, që të kthehemi në normalitet dhe të performojmë para publikut tonë të dashur!”, – thuhet në njoftim.
“Pushimi i Kalorësve”, do të jetë shfaqja e parë që do të transmetohet online, më 16 prill, ora 19:00.
VAZHDO TË LEXOSH MË TEPËR PËR TEMËN
“Në Turqi u kënaqëm, në Francë u hutuam nga kultura e lartë”
“Mrika” opera e parë shqiptare dhe historia e shkopit të artë
“Valltari i padukshëm francez”
