Në takimin me video-konferencë që u realizua nëpërmjet drejtuesve të UEFA-s dhe 55 sekretarëve të 55 federatave të futbollit në Europë, u mor vendimi që prioritet do t’u jepet kampionateve dhe Kupat Europës, që do të luhen në verë në gjysmën e dytë të korrikut dhe në muajin gusht edhe pse datat e reja nuk janë aprovuar ende nga Komiteti Ekzekutiv i UEFA-s.
Futbolli gjithsesi në Europë nuk do të rifillojë përpara fundit të majit dhe fillimit të qershorit kur të jetë qetësuar gjendja nga koronavirusi. Champions League dhe Europa League deri në fund të gushtit, ky është thelbi vendimeve të sotme.
Gjithsesi, krerët më të lartë të UEFA-s e kanë të qartë që do të jetë shumë e vështirë që kampionatet në Spanjë dhe Itali të mbyllen para datave 31 korrik ose 31 gusht dhe kjo mund të krijojë probleme edhe në përfundimin e Kupave të Europës, pasi gjendja në këto dy shtete është shumë e rëndë nga koronavirusi.
Janë anuluar edhe ndeshjet e kombëtareve në program në fillim të qershorit, përfshirë edhe sfidat play-off të Nations League për një vend në Euro 2021, të cilat do të luhen në vjeshtë. Në këtë mënyrë, dueli mes Maqedonisë së Veriut dhe Kosovës nuk do të luhet në fillim të qershorit, duke pësuar shtyrjen e dytë në pak kohë.
VAZHDO TË LEXOSH MË TEPËR PËR TEMËN
Merret vendimi edhe për Lojërat Mesdhetare
Idea e NBA për të mbyllur sezonin aktual
