Detaje të reja janë zbardhur në lidhje me atentatin e ditës së djeshme në Selenicë të Vlorës ku u plagos pranë shtëpisë 50-vjeçari Jetnor Xhaferraj, i cili është jashtë rrezikut për jetën.
Xhaferri kishte vetëm pak ditë që ishte kthyer nga jashtë shtetit, ndërsa atentatorët kanë qenë në dijeni të të gjitha lëvizjeve të tij.
Burime bëjnë me dije se ndaj Xhaferrit është qëlluar 30 herë, por fatmirësisht vetëm një plumb e ka kapur në dorë. Për Xhaferrin ky është atentati i dytë që i bëhet brenda një viti.
Ndërkohë policia ka gjetur të shkrumbuar një makinë Toyoto në Karbunar, konkretisht në fshatin Poçem rruga e vjetër, automjet i cili dyshohet të jetë i autorëve. Gjithsesi është e vështirë për ta identifikuar pasi ka qenë e djegur plotësisht.
Sakaq burime bëjnë me dije se brenda në automjet janë gjetur dy armë automatike, me të cilat mendohet të jetë qëlluar Xhaferraj.
