14.05.2020 - 09:20
INGREDIENTËT
- 250 gr miell
- 125 gr gjalpë (të jetë i butë në temperaturë ambienti)
- 1 vezë (e verdha)
- 50 ml ujë
- Kripë
- 300 ml qumësht (të jetë i butë në temperaturë ambienti)
- 3 kokrra vezë
- Piper
- Arrëmyshk
- 1 kokërr qepë e kuqe
- Majdanoz
- 1 karrotë
- 1 kungull
- 1 spec (i prerë në formë rrethore)
- 50-60 gr kërpudha
- 100 gr domate qershi
- 30 gr ullinj të zinj
- Djathë kaçkavall (i grirë)
- Salmon (i tymosur)
UDHËZIMET
- Në një enë hedhim miellin, kripën, gjalpin.
- Me majat e gishtave përziejmë gjalpin me miellin derisa përbërja e miellit me gjalpin të bëhet si rëra.
- E fërkojmë përbërjen paksa mes duarve. Ky proces nuk duhet të zgjas gjatë.
- E hapim miellin dhe hedhim ujin në mes.
- Shtojmë dhe të verdhen e vezës dhe e ngjeshim brumin shpejt në mënyrë që të gjithë përbërësit të përzihen mirë dhe brumi duhet të jetë homogjen.
- Në tavolinën e punës shtrojmë letër kuzhine, hedhim pak miell dhe fillojmë të hapim brumin duke bërë kujdes çarjet që mund të krijohen anash.
- E vendosim me gjithë letër mbi tavë dhe e shpojmë lehtë me pirun.
- Në mungesë të letrës së kuzhinës, lyejmë tavën me gjalpë për të evituar ngjitjen.
- Brumi i tepërt që del sipër bordit të tavës mund të pritet me thikë.
- Vendosim tavën në frigorifer dhe vazhdojmë me përgatitjet e perimeve.
- Pasi i kemi larë, presim perimet në formë kubike dhe shtojmë pak vaj ulliri, pak majdanoz dhe pak kripë.
- I vendosim në zjarr të ngadaltë.
- Shtojmë dhe kërpudhat së bashku me pak gjalpë.
- Në një enë qelqi hedhim tre vezë dhe i rrahim me pirun, shtojmë pak pana dhe pak qumësht (në mungese të panës shtoni vetëm qumësht. Masat e kremit të qumështit, duhet pak a shumë, aq sa të mbulojë perimet në tavë).
- Ndërkohë furrën e ndezim në temperaturën 180 gradë. Nxjerrim tavën ku hapëm brumin nga frigoriferi.
- Hedhim pak djathë të grirë kaçkavall, pastaj shtrojmë perimet.
- Hedhim kremin e përgatitur, disa domate qershi, përsëri pak arrë moskat, vendosim sipër salmonin e tymosur dhe e vendosim në furrë 180 gradë përreth 50 – 60 min.
- Pasi është pjekur, e lemë të ftohet dhe e shërbejmë në copa.
