09.05.2020 - 19:46
Në këtë kohë kur njerëzimi po ‘lufton’ me pandeminë globale Covid-19, dikush ka vendosur që ta mbajë mend në një mënyrë më të veçantë.
Aktorja e njohur turke, Didem Balçin ka vendosur që gjatë kësaj kohe të kurorëzojë dashurinë e saj me martesë.
Aktorja që njihet me rolin e Selxhan në serialin “Osman” dhe partneri i saj avokat, Can Aydin janë martuar së fundi në një ceremoni private ku kanë qenë të pranishëm vetëm prindërit dhe dëshmitarët e çiftit.
Çifti ka respektuar të gjitha masat mbrojtëse të pandemisë, duke vendosur maska dhe një numër të reduktuar të ftuarish.
Një tjetër detaj interesant nga kjo dasmë ishte se të afërmit e tjerë e kanë ndjekur ceremoninë martesore online.
