08.05.2020 - 09:36
Nga 20 mostrat e dërguara dje në Institutin e Shëndetit Publik nga Fieri vetëm një prej tyre ka dalë me COVID-19 dhe bëhet fjalë për kontakt të rastit të fundit pozitiv në këtë qytet.
Rasti i fundit me COVID-19 pozitiv është një farmacist. Ai ka shfaqur fillimisht simptoma si temperaturë, dhimbje trupore, koke etj.
Tamponi i ishte marrë një ditë më parë dhe sipas rezultatit ai është prekur nga koronavirusi. Ndërkohë vazhdon puna për gjurmimin dhe hetimin epidemiologjik.
