Titulli i Premier League angleze do të vendoset në fushën e blertë! Në këtë konkluzion pritet të dalin 20 kapitenët e skuadrave elitare në ishull, të cilët janë të gatshëm për të filluar stërvitjen kolektive që këtë fundjavë.
Në bashkëpunim me trajnerët e skuadrave, lojtarët kanë kërkuar që të bien në ujdi përpara takimit të programuar të martën me zyrtarët e Premier League. Por pavarësisht kësaj, plani për të zbritur në fushat stërvitore në mënyrë kolektive është kundërshtuar nga 6 klube dhe prej 7 lojtarëve, mes të cilëve NGolo Kante i Chelsea dhe Troy Deeney i Watford.
Frika e infektimit prej Covid-19 po tremb edhe tifozët. Gjasat janë që kampionati anglez të rifillojë, por me dyer të mbyllura. E për këtë, klubet kanë nisur të mendojnë zgjedhje alternative. Duke nisur nga sezoni i ardhshëm 20 klubet pritet të ndajnë me short vendet në stadiume.
Pjesëmarrës do të jenë tifozët-abonent gjatë këtij sezoni, shumica prej të cilëve janë rimbursuar nga klubet për sezonin 2019-2020. Një ide që pritet të aprovohet nga zyrtarët e Premier League, por që do të sjell revoltën e tifozëve, që largimin nga stadiumi përmes një shorti fati nuk do ta pranonin me asnjë kusht.
VAZHDO TË LEXOSH MË TEPËR PËR TEMËN
Premier League, ndeshjet e forta në fusha neutrale
Klubet e Premier League dëmshpërblejnë tifozët
Tifozi, 280 mijë euro për festuar titullin e Liverpool
