Vite më parë pretendonte titullin për konstruktorë, ndërsa tashmë rrezikon shkrirjen. Kompania britanike, Williams po përballet me një situatë financiare aspak komode në vitet e fundit dhe për këtë ka njoftuar shitjen e aksioneve të ekipit të Formula 1.
Përmes një deklarate për shtyp, Grupi Williams Grand Prix Holdings ka konfirmuar se është gati të ndajë pronësinë me të tjerë investitorë, me synimin e vetëm, ruajtjen e stabilitetit financiar të kompanisë.
“Bordi i Williams beson se procesi i rishikimit strategjik dhe procesit të shitjes zyrtare është gjëja e duhur dhe e kujdesshme që duhet të bëni në mënyrë që të merrni kohë për të marrë në konsideratë një gamë të plotë opsionesh dhe vendosni ekipin e Formula 1 në pozicionin më të mirë të mundshëm për të ardhmen”, – thuhet në deklaratën e skuadrës britanike.
Dy vitet e fundit kanë qënë tepër sfiduese për Williams, që ka raportuar humbje të konsiderueshme. Sezonin e shkuar, skuderia humbi 13 milionë paund, faturë që duket se ka goditur fort arkat e saj. Me shitjen e aksioneve, Williams tenton që të jetë pjesë e Formula 1 dhe në sezonet e ardhshme, ku i pret një faturë më e ulët financiare.
VAZHDO TË LEXOSH MË TEPËR PËR TEMËN
Kriza nga pandemia, McLaren pushon 1200 punëtorë
Protokolli i Formula 1, sa veta do ketë një skuderi
